“Арвайн Үндэс” компани нь 2009 онд “Алтан Жолоо” группийн хөрөнгө оруулалтаар архи, цэвэр усны үйлдвэр, 2012 онд шар айргийн үйлдвэрийг ашиглалтад оруулж, улсдаа томоохонд тооцогдох шингэн хүнсний үйлдвэрийг байгуулан үйл ажиллагаагаа явуулж эхэлсэн. Шар айргийн үйлдвэр жилдээ 12 сая литр бүтээгдэхүүн үйлдвэрлэх хүчин чадалтай бөгөөд дэлхийд алдартай Герман, Солонгос, Япон, ОХУ, БНХАУ-ын төхөөрөмжүүдээр тоноглосон бүрэн автомат үйлдвэр юм. Архи, цэвэр усны үйлдвэр нь дэлхийн нэр хүндтэй архины үйлдвэрлэлд ашиглагдаж байгаа хамгийн сүүлийн үеийн шүүлтийн шинэ технологи болох ОХУ-ын Технофильтр компанийн Цагаан алтан, Мөнгөжүүлсэн, Алтжуулсан, Тунгалагжуулсан шүүлтүүрийг үйлдвэрлэлд нэвтрүүлж дэлхийн түвшинд өрсөлдөх чадвартай брэнд бүтээлдэхүүн үйлдвэрлэн дотоодын үйлдвэрлэлийн 25, Импортын дэлхийн шилдэг 40 гаруй брэнд бүтээгдэхүүнийг зах зээлд нийлүүлсээр байна.